மாணவியை துஷ்பிரயோகத்திற்குட்படுத்திய ஆசிரியருக்கு 20 வருட கடூழிய சிறைத்தண்டனை

பாடசாலை மாணவி ஒருவரை பாலியல் துஷ்பிரயோகத்திற்கு உட்படுத்திய ஆசிரியர் ஒருவருக்கு 20 ஆண்டுகள் கடூழிய சிறைத்தண்டனை விதிக்கப்பட்டுள்ளது.

16 வயதுடைய பாடசாலை மாணவியை பாலியல் துஷ்பிரயோகத்திற்குட்படுத்திய குற்றச்சாட்டிற்கு குற்றவாளியாகிய மேலதிக வகுப்பு ஆசிரியருக்கு, மாத்தறை உயர் நீதிமன்றம் இந்த தண்டனையை விதித்துள்ளது.

2008ஆம் ஆண்டு மார்ச் மாதம் 18ஆம் திகதிக்கு அண்மித்த ஒருநாள் அக்குரெஸ்ஸ எல்லேவெல பிரதேசத்தில் மேலதிக வகுப்பினுள் பாலியல் துஷ்பிரயோகத்திற்குட்பட்டதனை தொடர்பில் ஆசிரியர் மீது குற்றம் சுமத்தப்பட்டுள்ளது.

குற்றம் சுமத்தப்பட்ட கணித ஆசிரியருக்கு எதிராக 9 வருடங்கள் விசாரிக்கப்பட்ட நீண்ட வழக்கிற்கு பின்னர் நேற்றைய தினம் தீர்ப்பு வழங்கப்பட்டது.

குற்றவாளிக்கு 20 வருடங்கள் கடுமையான வேலைகளுடன் கூடிய 20 வருட சிறைத்தண்டனை மற்றும் பத்தாயிரம் ரூபாய் பணமும் செல்லுத்தமாறு நீதிமன்றம் உத்தரவிட்டுள்ளது.

65 வயதான குற்றவாளி அக்குரஸ்ஸ எல்லவெல பிரதேசத்தை சேர்ந்தவர் என தெரிவிக்கப்படுகின்றது.

You might also like