செட்டிக்குளம் வைத்தியசாலைக்கு முன்பாக உள்ள உணவகமொன்றில் தீ விபத்து

வவுனியா செட்டிக்குளம் வைத்தியசாலைக்கு முன்பாக உள்ள உணவகமொன்றில் இன்று இரவு 8 மணியளவில் ஏற்பட்ட தீப்பரவலினால் குறித்த கடை சேதமடைந்துள்ளது.

இச் சம்பவம் தொடர்பாக தெரியவருவதாவது, வைத்தியசாலைக்கு முன்பாக உள்ள உணவகத்தில் திடீரென தீப்பற்றியுள்ளது.

இந்நிலையில், கடையின் முன் பகுதியில் அதிகளவான தீ பரவிய நிலையில், அப்பகுதியில் இருந்த இளைஞர்கள் ஒன்றுதிரண்டு தீயை கட்டுக்குள்கொண்டு வந்தனர்.

இத் தீவிபத்துக்கு எரிவாயு கசிவே காரணம் என சந்தேகிக்கப்படுகின்றது. எனினும் சம்பவம் தொடர்பில் இதுவரை பொலிஸில் முறைப்பாடு பதிவு செய்யப்படவில்லை என தெரியவருகின்றது.

You might also like