மூளை வளர்ச்சி குன்றிய சிறுமி மீது பாலியல் துஷ்பிரயோகம்

மூளை வளர்ச்சி குன்றிய சிறுமியை பாலியல் துஷ்பிரயோகத்திற்கு உட்படுத்தியதாக குற்றம் சுமத்தப்பட்டுள்ள இரண்டு பேரை எதிர்வரும் 4 ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டுள்ளது.

திருகோணமலை நீதவான் நீதிமன்றம் இன்று இந்த உத்தரவை பிறப்பித்துள்ளது.

பாலியல் துஷ்பிரயோகத்திற்கு உள்ளாக்கப்பட்ட சிறுமி திருகோணமலை வைத்தியசாலையில் அனுமதிக்கப்பட்டுள்ளார்.

தந்தையின் நண்பர் மற்றும் இன்னுமொரு நபரால் சிறுமி துஷ்பிரயோகத்திற்கு உள்ளாக்கப்பட்டுள்ளதாக பொலிஸார் தெரிவித்துள்ளனர்.

சந்தேக நபர்கள் 55 மற்றும் 54 வயதானவர்கள் எனவும் தெரிவிக்கப்பட்டுள்ளது.

கிண்ணியா பிரதேசத்தில் நேற்று முன்தினம் சிறுமி பாலியல் துஷ்பிரயோகத்திற்கு உட்படுத்தப்பட்டுள்ளதுடன் சந்தேக நபர்கள் நேற்று கைது செய்யப்பட்டுள்ளனர்.

You might also like