வேலைநிறுத்தப் போராட்டத்தில் குதிக்கின்றது ரயில் தொழிற்சங்கங்கள்!

ரயில் தொழிற்சங்கங்கள் எதிர்வரும் ஜூன் 4ஆம் திகதி நள்ளிரவு 12 மணிமுதல் 24 மணித்தியாலய வேலைநிறுத்தப் போராட்டத்தில் குதிக்கப்போவதாக அறிவித்துள்ளன.

சம்பள நிர்ணயத்தை மீள்நிர்மாணம் செய்தல் மற்றும் ஓய்வூதியம் பெரும் வயதெல்லையை 63 வயது வரை அதிகரிக்குமாறு கோரியே ரயில் தொழிற்சங்கங்கள் மேற்படி வேலை நிறுத்தப் போராட்டத்தில் ஈடுபடப்போவதாக அறிவித்துள்ளன.

ரயில் தொழிற்சங்கங்கள் ஒன்றியத்தின் ஒருங்கிணைப்பாளர் லால் ஆரியரத்ன இந்தத் தகவலைத் தெரிவித்துள்ளார்.

இம்மாதம் 5ஆம் திகதி சைட்டம் எனப்படும் மாலபே தனியார் மருத்துவக் கல்லூரிக்கு எதிர்ப்புத் தெரிவித்து அரச வைத்திய அதிகாரிகள் சங்கத்துடன் இணைந்து ரயில் தொழிற்சங்கங்கள் போராட்டத்தில் குதித்திருந்தன.

இதன் காரணமாக நாட்டில் ரயில் போக்குவரத்து முற்றிலும் தடைப்பட்டிருந்தது. இந்நிலையில், மீண்டும் எதிர்வரும் ஜூன் 4ஆம் திகதி நள்ளிரவு முதல் 24 மணிநேர போராட்டத்தை மேற்கொள்ளவுள்ளதாக ரயில் தொழிற்சங்கங்கள் அறிவித்துள்ளமை தொடர்பில் மக்கள் அதிருப்தியடைந்துள்ளனர்.

You might also like