வவுனியா – தாலிக்குளத்தில் வீட்டுத்திட்டம் கோரி ஆர்ப்பாட்டம்

வவுனியா – தாலிக்குளம் பகுதியில் சுமார் முப்பது குடும்பங்களுக்கு இதுவரையில் வீட்டுத்திட்டம் வழங்கப்படவில்லை என தெரிவித்து ஆர்ப்பாட்டமொன்று மேற்கொள்ளப்பட்டுள்ளது.

குறித்த ஆர்ப்பாட்டம் தாலிக்குளம் கிராமத்தில் உள்ள பிள்ளையார் ஆலயத்தின் முன்பாக இன்று காலை நடத்தப்பட்டது.

பூவரசன்குளம் கிராம அலுவலர் பிரிவில் உள்ள தாலிக்குளம் கிராமத்தில் கடந்த பத்து வருடங்களாக வசித்து வருகின்ற சுமார் முப்பது குடும்பங்களிற்கு இதுவரை வீட்டுத்திட்டம் வழங்கப்படவில்லை என தெரிவிக்கப்படுகிறது.

அத்துடன், அங்கு வசிக்கும் உப குடும்பங்கள் பலவற்றிற்கு இதுவரை வீட்டுத்திட்டம் வழங்கப்படவில்லை என கூறப்படுகின்ற நிலையிலேயே இந்த போராட்டம் மேற்கொள்ளப்பட்டுள்ளது.

You might also like