கிளிநொச்சியில் 47 பாடசாலைகளில் குடிநீர் நெருக்கடி

கிளிநொச்சி கல்வி வலயத்தில், 47 பாடசாலைகள் குடிநீர் நெருக்கடியை எதிர்கொண்டுள்ளதாக கிளிநொச்சி வலயக் கல்விப் பணிப்பாளர் த.ஜோன் குயின்டஸ் தெரிவித்துள்ளார்.

பூநகரி, கண்டாவளைக் கோட்டங்களிலே கூடுதலான பாடசாலைகள் குடிநீர் நெருக்கடியை எதிர்கொண்டுள்ளன.

குடிநீர் நெருக்கடியை எதிர்கொண்டுள்ள பாடசாலைகளுக்கு பிரதேச செயலகங்கள் ஊடாக குடிநீர் வழங்கல் இடம்பெற்று வருகின்றது. இதேவேளை இரணைமடுக்குளம் வற்றியதன் காரணமாக கிளிநொச்சி நகரில் உள்ள பாடசாலைகள், திணைக்களங்கள் உட்பட குடிமனைகள் அனைத்திலும் கிணறுகளின் நீர் மட்டம் குறைவடைந்து குடிநீர் நெருக்கடியும் உருவாகியுள்ளது.

கிளிநொச்சி மாவட்டம் இவ்வாண்டு வரட்சியினால் பெரும் பாதிப்புக்களை எதிர்கொண்டுள்ளதாக தெரிவிக்கப்படுகின்றது.

You might also like