வவுனியாவில் நாடாளுமன்ற உறுப்பினர் மஸ்தானுடன் சுகாதார தொண்டர்கள் சந்திப்பு

வவுனியாவில் கடந்த 118 நாட்களாக போராட்டம் மேற்கொண்டு வந்த வடமாகாண சுகாதார தொண்டர்கள் அவர்களின் நிரந்தர நியமனம் தொடர்பாக நாடாளுமன்ற உறுப்பினரும் ஸ்ரீலங்கா சுதந்திரக்கட்சி வன்னி மாவட்ட இணைப்பாளருமான கே. காதர் மஸ்தானின் மக்கள் சந்திப்பு அலுவலகத்தில் இன்று ( 25.09.2017) காலை 10.00மணியளவில் சந்திப்போன்றை மேற்கொண்டனர்

இச் சந்திப்பின் போது நிரந்தர நியமனம் தொடர்பாகவும் தம்மால் 118நாட்கள் தொடர் போராட்டம் மேற்கொண்டு வந்த விடயங்கள் அதன் பின்னர் வடமாகாண சுகாதார அமைச்சரில் ஏற்பட்ட மாற்றங்கள் தற்போது புதிய சுகாதார அமைச்சரின் வருகையினையடுத்து போராட்டகளத்திற்குச் சென்ற சுகாதார அமைச்சர் சுகாதாரத் தொண்டர்களின் நியமனம் தொடர்பாக முன்னாள் சுகாதார அமைச்சர் எடுத்த நடவடிக்கையிலிருந்து தானும் அவ்விடயத்தினை நகர்த்திச் செல்வதாக வாக்குறுதியிளிக்கப்பட்டதையடுத்து சுகாதாரத் தொண்டர்கள் தமது தொடர் போராட்டத்தினை கைவிட்டிருந்தனர்.

எனினும் தமது நிரந்தர நியமனத்தில் ஏற்பட்டுள்ள தாமதத்தினையடுத்து நியமனம் தொடர்பாக எடுத்துரைக்கப்பட்டதுடன் நாடாளுமன்ற உறுப்பினர் இவ்விடத்தில் துரித நடவடிக்கை மேற்கொள்ளுமாறு வலியுறுத்தினர்.

சந்திப்பின் போது நாடாளுமன்ற உறுப்பினர் மஸ்தான் உடனடியாக சுகாதார அமைச்சின் செயலாளருடன் தொலைபேசி மூலம் தொடர்பினை ஏற்படுத்தி தற்போது சுகாதார தொண்டர்கள் நிரந்தர நியமனம் எடுக்கப்பட்ட நடவடிக்கைகள் தொடர்பாகவும் கேட்டறிந்ததுடன் நாடாளாவிய ரீதியில் மேற்கொள்ளப்படும் டெங்கு ஒழிப்பு செயற்றிடத்திற்கு இவர்களை இணைத்து கொள்ள முடியுமான என கலந்துரையாடினார்

நாளைய தினம் (26.09.2017) இடம்பெறவுள்ள நாடாளுமன்றக்கூட்டத் தொடரில் அமைச்சரின் கவனத்திற்குக் கொண்டு வருவதுடன் நிதி அமைச்சின் செயலாளரின் கவனத்திற்கும் கொண்டு சென்று துரித கதியில் வடமாகாண சுகாதாரத் தொண்டர்களின் நிரந்தர நியமனத்தைப் பெற்றுக்கொடுக்க நடவடிக்கை மேற்கொள்வதாக சுகாதார தொண்டர்களிடம் நாடாளுமன்ற உறுப்பினர் கே.கே.மஸ்தான் வாக்குறுதியிளித்துள்ளார்.

You might also like