பயிற்சி முகாமில் நிர்வாணமாக்கப்பட்ட 6 மாணவர்கள் – சந்தேகநபர்கள் மூவர் கைது

ரன்டெபே கெடட் பயிற்சி முகாமில் கலந்து கொண்ட ஆறு மாணவர்களை நிர்வாணப்படுத்தி தொலைப்பேசியில் வீடியோ எடுத்ததாக கூறப்படும் சம்பவத்துடன் தொடர்புடைய மூவர் கைது செய்யப்பட்டுள்ளனர்.

வத்தேகம பொலிஸ் பிரிவின் பிட்டவல பிரதேச பாடசாலை ஒன்றின் 6 மாணவர்களே இவ்வாறு துன்புறுத்தப்பட்டுள்ளனர். இந்த குற்றச்சாட்டின் அடிப்படையில் கெடட் பாடசாலையின் சிரேஷ்ட மாணவர்கள் மூவர் கைது செய்யப்பட்டுள்ளனர்.

கெடட் பயிற்சிக்காக முகாமில் கலந்துக் கொள்வதற்காக சென்ற சந்தர்ப்பத்தில் தாம் இந்த அனர்த்தத்திற்கு முகம் கொடுத்ததாக 6 மாணவர்களும் அதிபரிடம் முறைப்பாடு செய்துள்ளனர். அதிபரும் அந்த வீடியோ காட்சியை பார்த்துவிட்டு பொலிஸ் அவசர பிரிவிற்கு அறிவித்துள்ளார்.

பின்னர் வத்தேகம பொலிஸார் இது தொடர்பில் விசாரணை மேற்கொண்டு சந்தேக நபர்களான மூன்று மாணவர்கள் கைது செய்யப்பட்டுள்ளனர்.

ரன்டெபே பயிற்சி முகாமில் இந்த சம்பவம் இடம்பெற்றுள்ளமையினால் அந்த பிரதேசத்தின் பொலிஸாரிடம் மாணவர்கள் ஒப்படைக்கப்பட்டுள்ளனர்.

பின்னர் அவர்கள் மஹியங்கனை நீதிமன்றத்தில் ஆஜர்படுத்தப்பட்டதன் பின்னர் ஒரு லட்சம் ரூபாயிலான சரீர பிணையில் விடுவிக்கப்பட்டுள்ளனர்.

பின்னர் மீண்டும் ஜுலை மாதம் மூன்றாம் திகதி நீதிமன்றில் ஆஜராகுமாறு நீதவான் உத்தரவிட்டுள்ளார்.

You might also like